لعنبو قصه غرااام :(

لعنبو قصة غرام كل ابوها كلمتين
إبتدينا عند أحبك وإنتهينا عند باي

تونا مامشينا بالهوى خطوتين
وإنتهى الموضوع كله وما عرفت وش خطاي

إنتهى الموضوع و بكل سهوله تحكمين
وين أحبك وين أبيك وين ساكن في حشاي

يمكن إنك ما وفيتي يوم جيتي تعشقين
ويمكن إنتي تحسبيني بتبعك من دون راي

ويمكن أصلا ما عشقتي بس كنتي تلعبين
ويمكن إنك ماوصلتي في هواك لمستواي

ويمكن إني ماعرفتك فالحقيقة وش تبين
ويمكن إني خنت نفسي يوم أعطيتك وفاي

علميني فالهوى ياجاهلة وش تعرفين
تعرفين إنك صرتي شي يجري في دماي

علميني فالعطا و التضحية وش تفهمين
لعنبو حيك عشانك عفت اقرب أقرباي

كنت أحطك في عيوني تسرحين و تمرحين
كنت أشيل هموم قلبك وأرمي همومي وراي

كنت أطير من السعادة يوم أشوفك تضحكين
كنت ذايب في هواك مثل سكر في وسط ماي

كنت نايم بالعسل وأرسم من الفرحه سنين
كنت أظنك قلب عاشق ماسكن وسطة سواي

ما وعيت إلا وأنتي في خفوقي تطعنين
ما وعيت إلا وسيفك بالحشا رايح وجاي

وردة إيه وردة بس عرفتي تجرحين
كل شي فيني جريح إلا فخامة كبريااي

ماتأثرت بغيابك وش يعني دمعتين
بكرة أنسى صدقيني وأرجع بكامل قواي

أدري إن حنا إفترقنا بس بفهم حاجتين
علميني وش كسبتي وعلميني وش خطاي

أصلا الموضوع كله ماتعدى كلمتين
التقينا عند أحبك وإفترقنا عند
بااآإأإآأي

)

المساهمات : 75 تاريخ التسجيل : 04/03/2010

مشكووووووووره حياتي

واصلي إبدآآآآآآآعك